"Жұма қабыл болсын" дегені үшін жамбас сүйегі сынған жәбірленушінің қызы Амантай қажыны шабуыл жасады деп айыптады, деп хабарлайды Alash.KZ.
Жәбірленушінің қызы Раиса Бесхарагаева 76 жастағы анасын баспалдақтан итеріп жіберген адам — Амантай қажы екенін мәлімдеді. Оның айтуынша, оқиға 4 шілде күні Алматыдағы «Динамо» спорт кешенінің аумағында болған.
Қарт әйел ол жерде медбике болып жұмыс істейді. Таңертең ол спорт кешенінің жиі келушісі Амантай қажыны «Жұма қабыл болсын» деп амандасқан.
Қызының айтуынша, осыдан кейін Амантай қажы анасын баспалдақтан итеріп жіберген. Соның салдарынан әйел жамбас сүйегін сындырып алған. Жедел жәрдемді күзетші шақырған.
Жәбірленушіге ота жасалды, қазіргі уақытта ол үйінде амбулаториялық ем қабылдауда.
Алматы полициясы қылмыстық іс қозғады.
