Дональд Трамп Иранның жоғарғы көшбасшысы аятолла Әли Хаменейге жасалмақ болған Израильдің өлтіру жоспарына вето қойған, деп хабарлайды ALASH.KZ.
Анонимдік жағдайда сөйлескен шенеуніктердің айтуынша, АҚШ-тың жоғары лауазымды тұлғалары Израиль Иранның ядролық бағдарламасын тоқтату мақсатында кең ауқымды шабуыл бастаған сәттен бері израильдік ресми өкілдермен тұрақты байланыста болған.
«Ирандықтар америкалықты өлтірді ме? Жоқ. Олар ондай әрекетке бармайынша, біз саяси басшылықты қудалауды тіпті талқыламаймыз», – деген АҚШ әкімшілігінің жоғары шенді өкілі.
Олардың айтуынша, израильдіктер Иранның бас көшбасшысын өлтіруге нақты мүмкіндік туғанын хабарлаған, алайда Трамп бұл жоспарға назар аудармай, оны қабылдамай тастаған.
Reuters-тің бұл ақпараты туралы Биньямин Нетаньяхуға жексенбі күні Fox News арнасындағы «Брет Байермен арнайы сұхбат» бағдарламасында сұрақ қойылғанда, ол былай деп жауап берді:
«Бұрын-соңды болмаған әңгімелер туралы жалған ақпараттар тым көп, мен оларға мән бергім келмейді».
«Бірақ айтарым, біз не істеу керек екенін жақсы білеміз және соны істеп жатырмыз. Ал Америка Құрама Штаттары да өз мүддесі үшін не дұрыс екенін біледі», – деді Нетаньяху.
