Ресейдің Қиыр Шығысындағы Камчатка түбегі жағалауында 7.4 магнитудалы қуатты жер сілкінісі болды.
Бұл туралы бірқатар сейсмологиялық агенттіктер хабарлады, деп жазады Alash.kz ұлттық порталы
Геофизика бойынша Германия зерттеу орталығы (GFZ) жер сілкінісінің ошағы Камчатканың шығыс жағалауында, 10 шақырым тереңдікте болғанын мәлімдеді. Аталған агенттік бастапқыда зілзаланың магнитудасын 6.7 деп жариялап, кейіннен 7.4-ке өзгертті.
Еуропалық Жерорта теңізі сейсмология орталығы (EMSC) да жер сілкінісінің қуаты 7.4 екенін растады.
АҚШ Ұлттық Цунами ескерту орталығы Гавайи штатында цунами қаупіне байланысты бақылау жариялағанымен, көп ұзамай оны кері қайтарды.
Сондай-ақ, Ресейдің ТАСС агенттігі Камчаткада жарияланған цунами қаупінің де алынып тасталғанын жергілікті төтенше жағдайлар қызметіне сілтеме жасап хабарлады.
Алғашқы болжам бойынша, теңіз толқындарының биіктігі 60 см-ге дейін жетуі мүмкін еді.
Олар Камчатка түбегінің бірнеше аймағына дейін жетуі ықтимал болған. Алайда қазіргі мәлімет бойынша, цунами қаупі сейілді.
