Тележүргізуші, журналист Ләйлә Сұлтанқызы марқұм күйеуін еске алып, желіде әсерлі жазба қалдырды, деп жазады Alash.kz ұлттық порталы.
“Қайрекең қайтқалы үш жылға таяды. Психологиялық сырқаттың талай түрін бастан кешірдім. Дәрі-дәрмектің де түр- түрін ішіп көрдім. Қандай психологиялық дерт болса да, бәрі басымнан өтті. Осындай сәтте жанындағы жақындарың мен достарыңның қолдауы ӨТЕ маңызды. Уақыт емдемейді, тек терең жараның бетін сәл жазады…
Кейде айнадағы өз бейнеме көңілім толмайтын кездер болады. Күлмеңіздер, әйел үшін ол да өте маңызды. Қаңтарда өз-өзімді қолға алдым. @grandprixclub-де меддетокс бағдарламасынан бастаған Ләйлә, бүгінде таңын гантельмен, @sultankyzy_slim қыздарымен жаттығудан бастайды. -10 КГ оңайлықпен келген жоқ… Өзгеріс көп!
Физиология бір бөлек, ал менталды денсаулық (жан әлемі) қалпында болмаса, Құдаймен байланыс үзілсе - бұлшық еттің шымыр болғанынан еш пайда жоқ. Кіші ұлым және анаммен бірге кіші қажылыққа бару жазылыпты. Жанымның тыныштығын табу, жүрегімнің үнін есту, ағзамды демалдыру үшін айына 5 күнді телефонсыз, тауда, табиғатта өткізуге дағдыландым.
Мен мұны неге жазып отырмын? Әр адам түрлі кезеңдерді бастан кешіреді. Қателесу, әлсіз болу, сағыңның сынуы бұл қалыпты жағдай. Мойындап, қабылдай біліңіз. Ұят емес. Ештеңе етпейді. Инстаграмның ар жағындағы өмір - мүлде басқа. Жылтыраққа ұмтылып, көп ресурсыңызды қажеті жоқ дүниеге жұмсамаңыз. Ортаңыз сенімді болсын, балаларыңызға дұрыс тәрбие беріңіз, менталдық саулығыңыз бірінші орынға қойыңыз!
Жазыңыз, сұраңыз, армандаңыз, ұмтылыңыз, тәуекел етіңіз. Сіздің нағыз БАҚЫТЫҢЫЗ не екенін өзіңіз анықтап алыңыз. Ең бастысы ешкімге зияныңыз тимесін.
Меніңше, әркім өз ісімен айналысуы керек. Әр саланы өз маманына сеніп тапсыра білу керек. Қазір қор жұмысы, ТВ жобалар, жеке жобалар, жарнамалық келісімшарттар, кішігірім бизнес бәрінде серіктестер мен қызметкерлер жұмыс істейді. Ақша ешқашан жетпеген, жетпейді де. Бірақ шүкір бар жерде жан тыныш болады.
Ақша. Иә, өте маңызды. Ақша - энергия. Оның ағыны ашық болғаны дұрыс. "Көп ақша табу үшін көп жұмыс істеу керек" деген түсінік санама сіңгелі қашан… Ұзақ уақыт бойы өзіммен жұмыс, разбор, проработканың арқасында аз жұмыс істесем де, бастысы адал, сапалы еңбектің дәмі тәттірек екеніне көзім жетті. Бұл тақырып - бір бөлек әлем, ұзақ әңгіме. Бастысы, жан тыныштығын қайырымдылықтан, @mariyam_fund_kz -нан таптым”,- деп жазды журналист.
