Қостанай облысында қайғылы жол-көлік апаты салдарынан бір отбасының барлық мүшесі – ерлі-зайыпты мен олардың екі жасар баласы – мерт болды, деп хабарлайды Alash.kz.
Оқиға алдын ала мәліметтер бойынша, жүргізушінің ұйықтап кетуі салдарынан орын алған. Жеңіл көлік рөлге ие бола алмай, қарсы бағытқа шығып кетіп, КамАЗ жүк көлігімен соқтығысқан. Қатты соққыдан екі көлік те бірден өртке оранған.
Полиция департаментінің хабарлауынша, жеңіл көлікте үш адам болған: көлік тізгінін ұстаған азамат, оның 27 жастағы жұбайы және олардың екі жасар сәбиі. Үшеуі де оқиға орнында көз жұмған. Ал жүк көлігінің жүргізушісі дін аман.
"Жол апаты салдарынан екі автокөлік толығымен жанып кетті. ВАЗ-2110 көлігінде болған үш жолаушы – жүргізуші, 27 жастағы келіншек және екі жасар бала – қайтыс болды", – деді облыстық ПД жергілікті полиция қызметі басқармасының аға инспекторы Эльмира Испандиярова.
