«НеМолчи» қоры жантүршігерлік ақпарат жариялады. Олардың мәліметінше, Түркістан облысында бірнеше күн бұрын 16 жастағы қыз зорланып, кейін өлтірілген, деп хабарлайды ALASH.KZ.
Алайда бұл туралы ресми органдар тарапынан әзірге нақты растама жоқ.
Қор бұл ақпаратты анонимді дереккөзден шұғыл желі арқылы алған.
Телефон қоңырауы кезінде оқиға 6 маусым күні Төрткүл ауылында болғаны айтылған.
«Бізге оқиғаның барлық егжей-тегжейін айтып берді, бірақ әзірге тек мынаны жария ете аламыз: 16 жастағы қыз өз отбасының дүкенінде жұмыс істеген, үйіне қайтып бара жатқанда бірнеше адам тарапынан зорланып, кейін өлтірілген. Күдіктілердің барлығы — шетелдік еңбек мигранттары болуы мүмкін. Ақпаратты растап не жоққа шығаруларыңызды сұраймыз», — делінген қордың Telegram-каналында.
Волонтерлер бұл ақпаратты бірнеше адамнан қатарынан алғанын айтады.
CMN.KZ редакциясы бұл жағдайға байланысты Түркістан облысының Полиция департаментіне ресми түсініктеме беру туралы өтініш жолдады.
