Танымал әзілкеш Тұрсынбек Қабатовтың әйелі Мөлдір Мұқанова оқырмандарын тағы бір ерекше видеомен таңғалдырды, деп жазады Alash.kz ұлттық порталы.
Желі жұлдызы Instagram парақшасына жеке тікұшақпен алғашқы сапары кезіндегі эмоциялық сәтін бөлісіп, жүрек тебірентер жазбасымен бөлісті.
Бейнежазбада тікұшақ аспанға көтеріле бастағанда, Мөлдірдің көңілі босап, көзіне жас алған сәті көрініс тапқан.
Ол бұл сәтті тек ұшу емес, өзінің ішкі шекарасын бұзып, жаңа биіктерге ұмтылған бетбұрыс деп бағалайды.
“Ұшақ көкке көтерілген сәтте – жүрегім дүрсілдеп, көзіме жас келді. Бұл – еркіндік. Бұл – өз қорқынышымды жеңіп, биіктерге бет алған сәт. Қыздар, бұл ғажап эмоция. Кім менімен бірге ұшқысы келеді?”, – деп жазды ол.
Желі қолданушылары бұл жазбаны жылы қабылдап, Мөлдірдің батылдығына қолдау білдірді. Кейбірі оны шабыт көзіне айналдырып, қорқынышпен күресу жайлы пікірлерін қалдырса, енді бірі өмірлік өзгеріс жасауға түрткі болғанын жеткізді.
Бұған дейін де эмоциялық видеоларымен көзге түскен Мөлдір Мұқанова бұл жолы да шынайылығымен жұрт жүрегін жаулады.
