Түркияда енесі мен күйеу баласының арасындағы тыйым салынған махаббат күллі жұртты дүр сілкіндірді. 21 жастағы Жұма Доған мен 47 жастағы енесі Гүлдане Шахиннің арақатынасына қатысты жаңа дерек шықты, деп жазады Alash.kz ұлттық порталы.
Белгілі болғандай, Жұма Доған есімді ер адам өзінің заңды жұбайы, мүгедектігі бар Дилек Шахинмен үйленген соң, енесінің үйіне жиі барып жүрген. Уақыт өте келе, екеуінің арасында шектен тыс қарым-қатынас орнап, нәтижесінде Гүлдане Шахин өзінің күйеу баласынан жүкті болып қалған.
Осы жағдайға байланысты Дилек Шахин “Эсра Ерол” бағдарламаға қатысып, анасы мен күйеуінің бірге қашып кеткенін айтып, көзіне жас алып:
“Менің күйеуім өте қатігез, мен одан шынымен қорқамын. Анам екеуі бірге қашып кетті. Егер бұл жайлы әкеме айтсам, мені өлтіреміз деп қорқытты” – деп жан сырын ақтарды.
Бағдарлама барысында күйеу баласы мен енесінің шектен тыс әзілдесіп, бір-біріне ерекше жақындық танытқан видеолары да көрсетілді.
Журналист Эсра Еролдың:
“Неге сіз Гүлдане ханыммен қашып кеттіңіз? Ол сіздің қалыңдығыңыздың анасы. Соған ұялып тұрған жоқсыз ба? ”, – деп күйеу баласынан сұрағанда,
Жұма Доған: “Біз үйлену үшін қаштық. Жоқ, әпке”, – деп еш қысылмастан жауап берген.
Бағдарлама соңында тікелей эфирде Жұма Доған мен Гүлдане Шахин ұсталып, қамауға алынды. Оларға «қасақана зиян келтіру» және «қорқыту» баптары бойынша қылмыстық іс қозғалды.
