Павлодар облысы, Көктөбе ауылының маңында жол апаты болды. Салдарынан 3 адам қайтыс болды деп хабарлады облыстық полиция департаменті. Бұл жайлы Alash.KZ. порталы жазды.
Қайғылы оқиға Павлодардан 37 шақырым жердегі Көктөбе ауылының іргесінде болған.
"Екі автокөлік соқтығысқан. Оқиғаның мән-жайы мен себептері тергеу барысында анықталады. Жергілікті жерде полиция қызметкерлері жұмыс істеп жатыр", - дейді ведомство.
Полиция департаменті мұндай оқиғалардың алдын алу үшін жол қозғалысына қатысушыларға жылдамдық режимін сақтауды, әсіресе көлік көп жүретін жерлерде мұқият болуды қатаң ескертті. Сондай-ақ көлік құралының техникалық жағдайын бақылау маңызды.
