“Ресей президенті Владимир Путин КСРО-ның бұрынғы құдіретін қалпына келтіруге ұмтылады, сол себепті ол Украинадағы соғысты тоқтатқысы келмейді”. Бұл туралы Украина Президенті Владимир Зеленский ABC News телеарнасына берген сұхбатында айтты, деп жазады Alash.kz ұлттық порталы.
“Путин Кеңес Одағының құдіретін қайтарғысы келеді. Бұл мүмкін емес, бірақ мұны оған түсіндіре алатын адамдар бар ма, мен бұған сенімді емеспін. Дегенмен, ол бұл мақсатын жүзеге асыруға тырысады. Меніңше, ол бұл мақсатқа ең алдымен Украина арқылы жетуі керек деп есептейді, себебі Украина - Кеңес Одағындағы Ресейден кейінгі ең ірі мемлекет. Бұл - оның стратегиялық мақсаты. Сондықтан бұл істі жүзеге асыру оған өте маңызды, әрі ол соғысты аяқтағысы келмейді. Әсіресе, серіктестер әлсіздік белгілерін көрсете бастаған тұста”, - деп атап өтті Зеленский.
