Танымал әнші Нұртас Айдарбеков желіде қызу талқыға түскен ұлтараздық мәселеге қатысты пікір білдірді, деп хабарлайды Alash.kz.
Ол қазақ ұлты мен мұсылмандарды қорлаған Алика Мұхамадиеваны кешіруге шақырған азаматқа жауап қатты. Айтуынша, атын шығару үшін ұлт пен дінге тіл тигізу кешірілмеуі тиіс.
“Ол қыз парақшасын танымал қылу үшін солай жазған шығар” депсің, бауырым. Менің отбасымды бүкіл Қазақстан таниды. Бірақ, біз осы танымалдылыққа жету үшін бір ұлтты, болмаса дінді “малға”, “шошқаға” теңеп, жазған емеспіз. Сондықтан, інім, саған айтарым, мынандай жағдайды қолдаудың қажеті жоқ.
Әнші қарағандылық қыз туралы да ойын айтты:
Бұл - оның отбасынан келе жатқан нәрсе. Өзінің шаңырағының ішінде сондай әңгіме болады екі күннің бірінде. Соны міне шығарды. Мүмкін, ішіп алған шығар. Бірақ, мен де ішімен арақты. Шынымды айтайын. Бірақ, орыс - мәңгүрт, өзбек - мал, қырғыз - оңбаған деп айтып көрмеппін. Олай айтуға ешқандай әкеңнің ақысы жоқ. Жеке адамға айт. Ал, бүкіл қазаққа сен ойла шықпа, айналайын!
Осы өрескел істің тек айыппұлмен жабылмауын қатаң ескертіп, көпшілікке үндеу жасаған Нұртас Айдарбеков осы постының астына ҚР бас прокуратурасын белгілеп, қолға алуын сұрады.
