Қырғызстандағы Жоғары кеңес депутаты Эльвира Сурабалдиева еліндегі парақорлыққа қатысты даулы жағдайға назар аударып, мұны елде кең етек жайған “жаңа мода” деп атады, деп хабарлайды Alash.KZ.
8 қыркүйекте парламенттің бюджет, экономика және фискалдық саясат комитетінің отырысында сөйлеген сөзінде Сурабалдиева шенеуніктердің кәсіпкерлерден әуелі пара талап ететінін айтты.
“Қазір біртүрлі МОДА қалыптасты. Мемлекеттік қызметкер пара сұрайды, кәсіпкер амалсыздан береді, бірақ оны тапсырып жатқан сәтте бірден ұстап, қамауға алады. Бұл – Қырғызстандағы жаңа мода!” – деді депутат.
Сондай-ақ, ол ел басшылығы мұндай мәселелерді назардан тыс қалдырмауы тиіс екенін атап өтті.
“Мүмкін, жоғарыдағы басшылардың оған уақыты жоқ шығар, бірақ мен олар бұл жағдайды тексеруге уақыт табады деп сенемін”, – деді Сурабалдиева.
