“Аңыз адам”, “Жұлдыздар отбасы” журналдарының бас редакторы қауіпті кеселге шалдығып, күрделі операция үшін қаражат жинау үстінде, деп хабарлайды Alash.KZ.
Уағында ел арасындағы ең танымал коммерциялық басылымды тізгіндеген тілші бүгінде басына жабысқан ауыр дертіне Оңтүстік Кореядан шипа іздеуге мәжбүр. Халық сүйетін журналистің жағдайын айтып, Facebook парақшасында қоғам қайраткері Рысбек Сәрсенбай жариялады.
«АҢЫЗ АДАМ», «Жұлдыздар отбасы» журналының Бас редакторы Жарылқап Қалыбайды білмейтін адам кемде-кем. Журналдарының таралымы жүз мыңнан асып, оқырмандар арасындағы бәйгеге 20 жылқы, түйе тігіп, дүркіреткен Жарылқап қаржы тапшылығына ұшырап, зейнетақы мен 2-топ мүгедегінің ақшасына қарап қалады деп кім ойлаған?!
Пәле 2014 жылы Путинді Гитлермен салыстырып шығарған журнал санынан басталды. Ұзаққа созылған соттасулар, одан кейін журналды таратпау мақсатындағы экономикалық қысымдар оны қаржылай шығынға батырды. Соған қарамастан, журналдар бес жыл бойы шығып тұрды. Ақыры жабылды, табыс көзі үзілді. Бірақ ол қаламын қолынан тастаған жоқ, әлеуметтік желі арқылы халықты саяси-ағарту жұмыстарымен шұғылданды. Нұрбиліктің әділетсіздіктеріне қарсы тұрды. Әділдік пен шындық үшін күресті. Талай жылғы талас-тартыс оңай емес, іштей депрессияға түсті. 2019 жылы ковидпен ауырып, әрең аман қалды.
Өкінішке қарай, онкологиялық ауруға –бауыр обыры (ГЦК – гепатоцеллюлярлі карцинома) дертіне ұшырағанын білмей қалды. Бір жылдан астам уақыт әртүрлі ем алып көрді. Екі мини-операция жасатты. Нәтиже болымсыз. Қазақстан,Түркия, Индияда емделіп көрді. Есесіне, дәрігерлік шешім анықталды. Жарылқап қанша қашса да құтылмады. Бауыр транспантациясын жасатпаса болмайды. Осыған дейінгі диагностика мен емге қыруар ақша кетті. Отбасы қаржысы таусылды. Күрделі операцияны Оңтүстүк Корея онко-хирургтарының жасауына сенім көрсетті. Операция және операциядан кейінгі кезеңнің шығынына 250 мың доллар керек.
Ол халықтан қаржылай көмек сұрауды ұят санап, ұзақ уақыт қарсы боп жүрген. Бірақ олай етпесек, қауіпті аурудан аман қалу оңайға соқпайын деп тұр.
Қадірлі ағайын, көмек көрсетемін деген қайырымды азаматтар үшін төменде арнаулы банк шоты ашылды.
АО Kaspi Bank
CASPKZKA
Карта нөмері: 4400430225762233
Теңгемен.
АҚШ долларымен:
KZ40722C000024985182
Қалыбай Жарылқап Сейдләұлы.
Каспи голд телефоны: +77014410244.
