Назарбаев Университетінде студент қыз қайтыс болды, деп хабарлайды ALASH.KZ.
«NU жатақханаларының бірінде орын алған қайғылы оқиға туралы зор өкінішпен хабарлаймыз. Қазаға байланысты қабырғамыз қайысып, марқұмның отбасы мен жақындарына шын жүректен көңіл айтамыз», — деп мәлімдеді университеттің баспасөз қызметі.
Сондай-ақ, университет әкімшілігі жағдай толық бақылауда екенін атап өтті: тиісті жедел шаралар жүргізіліп жатыр, құқық қорғау органдары мен психологтар жұмыс істеуде.
«Университет тарапынан материалдық және моральдық қолдау көрсетілуде», — делінген хабарламада.
Уәкілетті органдар мен университет өкілдері расталмаған немесе жалған ақпарат таратудан бас тартуға шақырады.
