Осыдан үш күн бұрын, яғни 1 қыркүйекте Таразда қайғылы оқиға болып еді - қала аулаларының бірінде 14 жастағы мектеп оқушысы қаза тапқан. Бұл іске 15 жастағы студент күдікті деп танылған болатын, деп хабарлайды Alash.KZ.
Телеарнаның хабарлауынша, қансырап жатқан мектеп оқушысын кездейсоқ өтіп бара жатқан адамдар тауып алған. Айтуларынша, жедел жәрдем шақырған кезде бала тірі болған, бірақ дәрігерлер жеткен соң баланың қайтыс болғанын айтыпты.
Күдікті қазірдің өзінде ұсталған. Ол 15 жастағы Тау-кен технологиялық колледжінің студенті болып шықты.
Телеарнаның хабарлауынша, сол күні екі жас та өз жиындарына барған. Кешке қарай олардың арасында төбелес шығып, бір жасөспірім екіншісін пышақтап кеткен. Қазір тергеу жасөспірімдердің не туралы келіспейтінін анықтап жатыр.
Полиция оқиға дерегі бойынша «Адам өлтіру» бабы бойынша қылмыстық іс қозғады.
"Жедел-іздестіру шараларының нәтижесінде кәмелетке толмаған күдікті оқиға орнында ұсталып, уақытша ұстау изоляторына қамалды. Қазіргі уақытта оқиғаның барлық мән-жайын анықтауға бағытталған жедел-іздестіру шаралары кешені жүргізілуде", - деп хабарлады полициядағылар.
Бұған дейін Маңғыстау облысында Ақжігіт ауылындағы мектеп оқушысының өліміне қатысты сот үкімі шыққан болатын. Сот анықтағандай, айыпталушы 11-сынып оқушыларын сапқа тұрғызып, «тәрбие жұмысы» деген желеумен кәмелетке толмағандардың кеуде тұсынан ұра бастаған. Алған соққылардың салдарынан мектеп оқушысы есін жимай көз жұмған.
