Алматыда жол апатынан жас мұғалім ажал құшты, деп хабарлайды ALASH.KZ.
Бұл туралы ұстаз, кәсіпкер, лицей директоры Аятжан Ахметжанұлы баяндады.
28 мамырда Алматы - Бішкек тасжолында КамАЗ-дың тіркемесі ажырап, жол апаты болды.
Салдарынан төрт адам қаза тапты. Оның ішінде алматылық жас мұғалім де бар.
- 30 мамыр еңбек демалысына шығып ауылға барамын деп дайындалып жүрген. Өкінішке қарай, 28 мамыр Алматы маңында көлік апатынан көз жұмды. Отбасы, мектеп әкімшілігі 3-4 күн іздедік, бірақ, денесі моргтен табылғаны еңсені езіп кетті. Ашық жарқын, мақсаты анық қыз еді. Жаздай дайындалып IELTS тапсырып, жалғасты оқимын деп жүр еді. Оқу жылының соңын аяқтады да кете барды. Бүгін ағасы денесін туған жері Аралға алып қайтты. Тағы да сол өзгенің қателігінен бір қыршын көз жұмды, деп жазды Аятжан Ахметжанұлы.
