Алматыда отбасылық жанжал қайғылы оқиғамен аяқталды. Ер адам қайын атасын бірнеше рет пышақтап, тамағынан орып жіберген. Қанды оқиға қала аумағында тіркелді, деп хабарлайды Alash.kz.
Медеу аудандық полиция басқармасының мәліметінше, күдікті осы жайттан кейін көп ұзамай ұсталып, уақытша ұстау изоляторына қамалды.
"Күдікті оқиға орнынан алысқа ұзамай ұсталды. Қазір оған қатысты Қылмыстық кодекстің бабымен іс қозғалды", – делінген Медеу аудандық полиция бөлімінің хабарламасында.
Алдын ала дерек бойынша қайғылы жайт тұрмыстық кикілжің кезінде болған. Сөзбен басталған дау қан төгіске ұласып, арты кісі өлімімен аяқталған.
Қазір оқиғаға байланысты сотқа дейінгі тергеу амалдары жүргізіліп жатыр.
