Журналист Руслан Өтепбай әлеуметтік желідегі парақшасында қызық оқиғамен бөлісті, деп хабарлайды ALASH.KZ.
Журналистің жұмыс телефонына неше түрлі бағыттағы хаттар келеді. Бірі көмек сұраса, бірі жай жылы лебізін білдіреді екен.
Бүгін Русланға ішімдікке салынған досын құтқару мақсатында журналистен көмек сұраған жігіттен хабарлама келген.
”Руслан аға қалайсыз? Рустам деген досым бар. Араққа салынып кетті. Тек сізді ғана қарап, тыңдайды”,- деп жазған ол.
Руслан да өз оқырманының көңілін қалдырмай, Рустам атты жігітке арақты қойып, иманға келуін өтініп, нағыз емделу керек жағдай болса, көмек қолын созатынын айтты.
