Бельгияның Хасроде қаласында 46 жастағы украиналық әйел мен оның алты жасар қызы өлі күйінде табылды, деп хабарлайды ALASH.KZ.
Олардың денесінен пышақ жарақаттары анықталған. Бұл қылмысты марқұм әйелдің 16 жастағы ұлы жасағанын мойындады.
2025 жылдың 6 маусымында Бельгияның Хасроде қаласында болған өрт кезінде 46 жастағы украиналық әйел мен оның 6 жастағы қызы қаза тапты. Тергеу барысында олардың денелерінен пышақ іздері табылып, үйдің әдейі өртелгені анықталды.
Қылмыстың бетін ашу үшін 16 жастағы жасөспірім — әйелдің ұлы — бес сағат бойы тергеліп, нәтижесінде анасы мен қарындасын пышақтап өлтіріп, кейін үйді өртегенін мойындады.
Қылмыс болған сәтте бозбала мектепте болған, сол себепті бастапқыда ол да құрбан ретінде қарастырылған еді. Алайда кейін негізгі күдіктіге айналды.
Күдікті кәмелет жасына толмағандықтан, ісі кәмелетке толмағандар істері жөніндегі сотта қаралады және алдымен ол жабық тәртіптегі арнайы мекемеге орналастырылады деп күтілуде.
