Астана азаматы сүйіктісін пышақтап өлтіріп, кейін өзінің 25-қабаттан секіріп кеткені хабарланды, деп хабарлайды ALASH.KZ.
Астанада жантүршігерлік қылмыс болды. Күдікті бұл әрекетті балалардың көзінше жасаған. Артынша, өзін-өзі өлтірмек болғанымен, тірі қалды. Бұл жайлы "Астана" телеарнасы хабарлады.
Марқұм әйелдің 10 және 7 жастағы екі ұлы жетім қалды. Елордалық Полиция Департаменті адам өлтіру фактісі бойынша қылмыстық іс қозғады.
Алдын ала мәліметтерге сәйкес, азаматтық некеде тұратын ер мен әйел арасында жанжал туындап, сол кезде ер адам әйелге пышақ жарақатын салған. Кейін ер адам тұрғын үйдің 25-қабатынан секіріп кеткен. Құлау салдарынан ол ауыр жарақат алып, медициналық мекемеге жеткізілді. Қазіргі уақытта оқиғаның барлық мән-жайын анықтауға бағытталған жан-жақты тергеу амалдары жүргізілуде. Басқа мәліметтер ҚР Қылмыстық-процестік кодексінің 201-бабына сәйкес жария етілмейді, - деп хабарланды.
