Болат Назарбаевтың көмекшісі Қоспаевтың мүлкі шетелдіктерге заңсыз сатыла жаздады

Қаржы мониторингі агенттігі тәркіленген мүлікті заңсыз сату фактісі бойынша тергеу жүргізіп жатыр, деп хабарлайды Alash.KZ. 

Еске салсақ, бұған дейін агенттік бірқатар кәсіпорынды рейдерлік басып алу фактілері бойынша Қоспаевтың қылмыстық тобына қатысты тергеуді аяқтаған еді.

Сот Қоспаевқа тиесілі Алматыдағы «Никольский» базарының аумағында орналасқан жер учаскесі мен мүлікке тыйым салған.

Алайда алаяқтар «Азаматтарға арналған үкімет» базасына жалған ақпарат енгізген. Олар базарды шетелдіктерге сату үшін бөгде адамдарға қайта рәсімдеген.

Алаяқтық үшін бұрын сотталған үш адам ұсталып, қамауға алынды.