Иранның Ислам революциясы сақшылары корпусының (КСИР) Әуе-ғарыш күштері Израиль Ислам Республикасының аумағына жасаған шабуылдары басталған әскери әуе базаларға соққы жасағанын мәлімдеді, деп хабарлайды ALASH.KZ.
“Сионистік режимнің исламдық иран жеріне жасаған сорақы шабуылына жауап ретінде КСИР-дің Әуе-ғарыш күштерінің сарбаздары «Шын уәде - 3» операциясының оныншы кезеңі аясында Израиль агрессиясы басталған әскери әуе базаларға жоспарлы және дәл соққы жасады”, – делінген мәлімдемеде.
КСИР-дің ақпараты бойынша, шабуылдар «үздіксіз, кешенді және көп деңгейлі» түрде жалғасатын болады.
Иран Қарулы күштері Бас штабының бастығы генерал-майор Абдулрахим Мусави қазіргі уақытқа дейін жасалған соққыларды «ескерту және тоқтату мақсатында» жасалған әрекет деп атап, жақын арада жазалаушы операциялар жүзеге асырылатынын айтты. Бұл туралы ол сейсенбі күні бейнеүндеуінде мәлімдеген.
Мусави Израиль тұрғындарына, әсіресе Тель-Авив пен Хайфа қалаларының халқына үндеу жасап, “өмірлеріңізді сақтау үшін бұл аймақтардан кетіңіздер, өйткені премьер-министр Биньямин Нетаньяхудың әскери жоспарларының құрбаны болмауыңыз керек” деп ескертті.
