Алматыда 76 жастағы әйелді баспалдақтан итеріп жіберген Амантай қажының үстінен қылмыстық іс қозғалды, деп жазады Alash.kz ұлттық порталы.
Қазір осы оқиғаға байланысты Алмалы ауданы полиция басқармасы қылмыстық кодекстің 107-бабы (денсаулыққа қасақана ауырлығы орташа зиян келтiру) бойынша қылмыстық іс жүргізіп жатыр.
“Дене жарақатының ауырлық дәрежесін анықтау мақсатында сот-медициналық сараптама тағайындалды. Қылмыстық іс аясында кешенді тергеу амалдары жүргізілгеннен кейін процестік шешім қабылданатын болады”, - делінген хабарламада.
Күдіктінің кінәсі дәлелденсе, оған 1000 АЕК-ке дейін айыппұл салады не 2 жылға дейінгі мерзімге бас бостандығынан айыруы мүмкін.
