«Украина Ресей президенті Владимир Путинмен келіссөз үстеліне отыруды дереу сұрауы керек, әйтпесе бұл елден ештеңе қалмайды». Бұл туралы Беларусь президенті Александр Лукашенко Ресей президенті Владимир Путинмен Валаам аралында өткен кездесуде айтты, деп жазады Alash.kz ұлттық порталы.
«Украина бүгінгі күннің өзінде шұғыл түрде Ресей президенті Владимир Владимировичке: “Келіңіз, келіссөз үстеліне отырайық, мәмілеге келейік” деп өтініш жасауы тиіс. Әйтпесе, бір-екі айдың ішінде елде қорғаныс құрылымдары да қалмайды. Ресейліктер мұның бәрін біртіндеп басып алып, әрі қарай жылжи береді», - деді Беларусь президенті.
Владимир Путин Лукашенконың сөзін түзетіп, Ресей ешқандай аумақты басып алып жатқан жоқ, қайта өз жерлерін қайтарып жатыр деп мәлімдеді.
