Перизат Қайрат пен оның анасы Ғайни Алашбаеваға қатысты тергеу ісі жалғасып жатқанда, бұл іске украиналық танымал әнші Иван Дорн да қатысы бар болуы мүмкін деген мәлімет пайда болды, деп хабарлайды Alash.kz.
Прокурор Мадина Оразалинаның айтуынша, тергеу барысында фестиваль ұйымдастыруға байланысты түрлі құжаттар табылған. Соның бірі – Иван Дорнның өнер көрсетуіне жасалған шот-фактура. Құжатқа сәйкес, әншіге 9 мың еуро (шамамен 5,5 миллион теңге) көлемінде гонорар төленген. Концерт Астанадағы гольф-клубта өтуі керек болғанымен, шара мүлде өтпей қалған.
"Қолда бар мәліметтерге сүйенсек, фестиваль ұйымдастырылмаған, бірақ әншіге толық көлемде гонорар аударылған", – деді прокурор.
Еске сала кетейік, Перизат Қайрат пен оның анасы тасқыннан зардап шеккендерге арналған қаражатты мақсатсыз жұмсады деген күдікпен тергелуде. Бұған дейін бұл қаражатқа катерлер, көліктер және қымбат тауарлар сатып алынғаны хабарланған болатын
