Украина президенті Владимир Зеленский Путиннің Мәскеуде бейбіт келіссөздер жүргізу туралы ұсынысын қабылдамай, оны Киевке шақырды, деп хабарлайды Alash.kz/kz.
Бұл туралы Stan.kz ақпарат агенттігі хабарлады.
ABC News басылымының жазуынша, Зеленский Ресей президенті Путинге Украинаға келуді ұсынған.
"Ол Киевке келсе болады. Қазір соғыс болып жатқанда, Киевтен Мәскеуге бару орынсыз әрі қолайсыз. Егер мен де оған Киевке міндетті түрде келсін десем, ол да орынсыз болар еді", – деді Украина президенті.
Зеленскийдің пікірінше, Путин мұндай ұсынысты кездесуді кейінге шегеру үшін жасаған.
Украина президенті ел күн сайын ракеталық соққыларға және шабуылдарға ұшырап жатқанда Мәскеуге бара алмайтынын айтты. Сондай-ақ Путиннің мұны "түсінетінін" жеткізді.
