Актриса Жұлдызай Дүйсенбиева отбасындағы ұл баланың болмауы жайлы айтып, сұхбат барысында көз жасына ерік берді, деп хабарлайды Alash.kz.
Өнер иесі блогер Айнұр Асанбердіге берген сұхбатында бұл тақырыптың өзі үшін аса ауыр екенін айтып өтті.
"Менің отбасымда ұл болған жоқ. Бұл – мен үшін өте ауыр тақырып. Кеше ғана ең кенже сіңілімді ұзатып салдық. Сол тойда 150 адамның алдында әкемді құшақтап тұрып жыладым, алғыс айттым", – деді ол.
Актрисаның айтуынша, әкесі ешқашан ұл баланың болмауын сылтау етіп, анасын кінәламаған.
"Анам рұқсат еткенімен, әкем: "Жоқ, осы төрт қызыма Құдай күш-қуат берсін", – деп бізден бас тартпады. Қазақта көбіне ұл туған әйел ғана бағаланады. Ұл бала жоғары қойылады. Сонда қыз перзент емес пе?", – деп жан сырын ақтарды Жұлдызай.
