Алматыда бұрынғы судья Светлана Жолмановаға үкім шықты, деп хабарлайды ALASH.KZ.
Ол 10 жылға бас бостандығынан айырылды.
Светлана Жолманова аса ірі көлемдегі алаяқтық жасады деп танылды.
Бұл іс Алматы қаласы Медеу аудандық №2 сотында судья Қанат Ариновтың төрағалығымен қаралды.
Үкім әлі заңды күшіне енген жоқ.
Бір миллиард теңгеден астам шығын мен 48 эпизод: Жолманова қандай айыппен сотталды
Бұған дейін бұрынғы судья Светлана Жолманова аса ірі көлемдегі алаяқтық жасады деп айыпталғаны хабарланған болатын.
«Қарызға алып, қайтармаған»: экс-судья Светлана Жолмановаға Алматыда сот жүріп жатты
Тергеу деректері бойынша, 2021 жылдан 2024 жылға дейінгі аралықта ол жылжымайтын мүлік сатып алуға және тендерлік жобаларға қатысуға көмектесемін деген желеумен азаматтарды алдап, сенімдеріне кіріп, 1 миллиард теңгеден астам ақшаны иемденіп алған.
«Тергеу барысында қылмыстық әрекеттің 48 эпизоды анықталып, бір іс өндірісіне біріктірілді. Тергеу аяқталған соң қылмыстық іс Қылмыстық кодекстің 190-бабы 4-бөлігі 2-тармағы (“Аса ірі көлемдегі алаяқтық”) бойынша айыптау актісімен сотқа жолданды», – деп хабарлады прокуратура.
Еске салайық, Светлана Жолмановаға қатысты қылмыстық іс 2021 жылы да қозғалған болатын. Ол кезде экс-судьяға сот шешімдерін пайдасына шығаруға мүдделі тұлғаларға көмектесемін деп алаяқтық жасады деген күдік тағылған еді.
