Оралда полицейлер толғақ қысқан әйелге шұғыл көмек көрсетті, деп жазады Alash.kz ұлттық порталы.
Орал – Атырау тасжолында көлік жүргізушісі полицейлерді тоқтатып, жедел көмек сұрады. Оқиға барысында жедел әрекет еткен тәртіп сақшылары Исаин Қоғабаев пен Еламан Аманжанов жүкті әйел мен медициналық қызметкерді қызметтік көлікке отырғызып, арнайы дыбыстық және жарық сигналдарын пайдалана отырып, оларды перзентханаға дереу жеткізді.
Айта кетейік, ана мен баланың жағдайы бірқалыпты.
