Өскеменде қайғылы жағдай орын алды. 12 маусым күні инертті материалдар комбинаты маңында, Ертіс өзенінің тармағында кәмелетке толмаған жасөспірім суға батып кетті, деп хабарлайды ALASH.KZ.
Қаза тапқан бала 2008 жылы туған. Оның денесін сүңгуірлер жағадан 25 метр қашықтықтан тапты.
Жасөспірім рұқсат етілмеген жерде шомылған.
Төтенше жағдайлар қызметі осындай қайғылы оқиғаларға қарамастан, жабдықталмаған жерлерде шомылу фактілері әлі де жалғасып жатқанын атап өтті. Бұл өмірге қауіп төндіреді.
Құтқарушылар тағы да судағы қауіпсіздік ережелерін қатаң сақтау қажеттігін ескертеді:
• Тек рұқсат етілген орындарда шомылыңыз;
• Мас күйде суға түспеңіз;
• Балаларды қараусыз қалдырмаңыз;
• Егер жүзу қабілетіңізге сенімді болмасаңыз, құтқару құралдарын пайдаланыңыз.
