Белгілі продюсер және тележүргізуші Нұрлан Қоянбаев тіл мәселесіне қатысты пікір білдіріп, Қазақстанда бәрі қазақ тілін үйренсе ғана проблеманың шешілетінін айтты, деп хабарлайды ALASH.KZ.
ulysmedia.kz парақшасының порталында Қоянбаевтың тіл мәселесіне қатысты айтқан пікірі жарияланды. Қоянбаев өз сөзінде бір кездері қазақ тіліндегі фильмдер шеттетілгенін айтып өтті.
Өз аудиторияма жұмыс істеп келе жатқаныма біраз жыл болды. Біздің жағдай өте қиын болды. Біздің қазақ кинолар алынбады, қазақша бағдарламалар аз болды. Оның бәрінен біз үндемей өттік қой. Кейде өзін қорғайтындар “орыс, ағылшын тілінде медицина дамыған, қазақ тілінде әлемді зерттеу қиындау болады” деп айтады. Бірақ 3-4 млн халқы бар Финляндия фин тілінде, 6 млн халқы бар Норвегия өз тілінде сөйлейді. Тіл проблема емес. Тіл проблемасын шешудің бір-ақ жолы бар – бәріміз қазақ тілін үйренуіміз керек! Болды! Сонда ғана шешіледі. Адам жүзуді үйренгісі келетіні секілді алдына мақсат қоя білу керек. “Мен ана тілім – қазақ тілін білуім керек” деуі тиіс, – деді әртіс.
Қоянбаев саясатқа барғысы келмейтінін айтты.
