Қарағандыда әйел 7-қабаттан секіріп кетті, деп жазады Alash.kz.
Қайғылы оқиға Қарағанды қаласындағы Әшимов көшесінде орналасқан «Трилистник» тұрғын үй кешенінде, адамдардың көз алдында болған.
Көше бақылау камералары әйелдің біраз уақыт бойы үйдің карнизінде отырғанын, артынша кенеттен төмен секіргенін түсіріп алған.
Құлаған сәтте ол алдымен кіреберіс шатырын соғып, кейін жерге құлаған.
Әйелдің жеке басы ресми түрде анықталған жоқ. Куәгерлердің айтуынша, оның жасы шамамен 40–45 жаста.
“Аталған факті полицияда тіркелді. Қазіргі уақытта оқиғаның мән-жайы анықталып жатыр”, – деп хабарлады Қарағанды облыстық полиция департаменті.
