2025 жылғы 1 тамыздан бастап АҚШ-қа жіберілетін қазақстандық тауарларға қосымша баж салығы салынады, деп жазады Alash.kz.
Тиісті жарлықты АҚШ президенті Дональд Трамп 31 шілде күні кешке, сауда келіссөздері бойынша өзі белгілеген соңғы мерзімнің аяқталуына бірнеше сағат қалғанда қол қойған.
Жарлық Үндістан, Түркия, Израиль, Молдова, Швейцария, Вьетнам, Оңтүстік Корея, Еуроодақ елдері және басқа да ондаған мемлекетті қамтиды. Қазақстан үшін белгіленген мөлшерлеме – 25%.
Вашингтон жаңа баж салығын енгізуге басты себеп ретінде АҚШ-тың созылмалы сауда тапшылығын атап өтті. Ақ үй әкімшілігінің пайымдауынша, бұл тапшылық ел экономикасы мен ұлттық қауіпсіздігіне қауіп төндіреді.
