Бүгін Димаш Құдайбергеннің қарындасы өз теңін тауып, үлкендерден бата алу тойын жасады, деп хабарлайды Alash.kz.
Екі жасқа ақ тілегін арнаған әулеттің үлкендері толқыныстарын жасырмады. Димаштың әжесі Миуа апа немересіне арнап ерекше құттықтау білдірді:
"Дүниеге келген күнінен бастап алақаныма салып баққан құлыншағым 24 жасқа келіп өз теңін тауып, өз шаңырағының отын тұтатып, бақытқа қадам басып отыр. Ермахан екеуі тек бақытты болсын"
Еске салайық, Раушан Құдайберген өз бақытын Шымкенттік әртіс жігіт Ермахан Аймахан деп тапқан. Жастардың мерейіне ұйымдастырылған құдалық ерекше стильде өтті.
