Танымал айтыскер ақын Оразалы Досбосыновтың ұлы Нұрсұлтан әлеуметтік желідегі парақшасында әсерлі жазба жариялады, деп жазады Alash.kz.
Ол Instagram-дағы ресми парақшасында рэп жанрында өнерін сынап көруге шешім қабылдағанын айтып, ата-анасын қатты сағынатынын жеткізді. Сондай-ақ, әке-шешесін көрген аға-әпкелеріне амандық тілеп, ыстық ықыласын білдірді.
"Мен – Оразалы Досбосынов пен Ажар Түзелекқызының ұлымын. Қазіргі уақытта NRS деген атпен рэп орындап, тыңдармандарымды қуантуды көздеймін. Сонымен қатар, блог жүргізіп, өмірімдегі маңызды сәттерді сіздермен бөлісіп отыруды жоспарлап жүрмін. Қолдап, жанымда бірге болыңыздар", – деп жазды Нұрсұлтан Досбосынов.
