89 жасында итальяндық тележүргізуші, радиожүргізуші, актер, музыкант және әнші Пиппо Баудо дүниеден өтті, деп жазады Alash.kz.
Ол 1936 жылы 7 маусымда Милителло-ин-Валь-ди-Катания қаласында дүниеге келген. Катания университетінде заңгер мамандығын оқығанымен, актерлік пен тележүргізушілікке деген қызығушылығы басым болды. Сондай-ақ фортепианода ойнауды үйренген.
1950-жылдардың соңында Баудо "Orchestra Moonlight" құрамында әнші әрі пианист ретінде өнер көрсетті. 1959 жылы алғаш рет итальяндық телеэкранға шығып, "Каравелла успехов" бағдарламасында көрінді. Кейін ол RAI арнасында бірқатар бағдарламаларды жүргізіп, көркемдік жетекші қызметін атқарды.
Mediaset арнасымен келісімшартқа отырғанымен, бұрынғы табысын қайтара алмады. Дегенмен, RAI арнасындағы "Новеченто" бағдарламасын жүргізгеннен кейін мансабы қайта жанданды.
1970-жылдары Баудо Катаниядағы "Антенна Сицилия» жеке арнасының құрылуына атсалысып, сол жерде жұмыс істеді. Баудо Сан-Ремо фестивалін 13 рет жүргізіп, рекорд орнатты (алдыңғы рекорд Майк Бонджорноға тиесілі – 11 рет).
