Ресей президенті Владимир Путин Украинаға қауіпсіздік кепілдіктері жайлы келіссөз жүргізуге дайын екенін мәлімдеген. Бірақ ол ықтимал кепілдердің қатарында Батыс елдерін немесе НАТО-ны емес, Қытайды атаған, деп хабарлайды Alash.kz.
Сарапшылардың пікірінше, бұл ұстаным Мәскеудің НАТО күштерін бітімгерлік процеске араластырғысы келмейтінін көрсетеді.
Ал Киев ресми өкілдері бұл жаңалыққа өз көзқарасын білдірді. Олар үшін ең маңыздысы – АҚШ президенті Дональд Трамптың Украинаға халықаралық қауіпсіздік кепілдіктерін беру идеясын қолдауы. Бұл бастаманың өзі Украина үшін оң қадам саналып отыр.
Дегенмен Путиннің Қытайды ұсынуы көптеген күмән туғызды. Өйткені Бейжіңнің қазіргі геосаяси бағыты Ресейге бейім екені белгілі, ал оның бейтарап “кепіл” болуына сенім аз. Әлеуметтік желілерде де бұл мәлімдеме қызу талқыланды.
Пікір жазушылардың кейбірі кекесінмен: “Енді кепіл ретінде Солтүстік Корея мен Иранды да қосса, нағыз бейбітшіліктің кепілдері болар еді” деп жазды.
Сарапшылар бұл ұсынысты Мәскеудің дипломатиялық қадамы емес, сонымен қатар Батысқа қарсы символдық жауап деп бағалап отыр. Алдағы уақытта Қытайдың мұндай бастамаға ресми түрде қалай қарайтыны халықаралық қауымдастық үшін маңызды болмақ.
