Желіде Елисей деп таныстырған бойжеткен қаланың түнгі клубтарының бірінде зорлық-зомбылыққа ұшырағанын айтқан видеожазба анықталған, деп хабарлайды ALASH.KZ.
Аталған дерек бойынша Медеу аудандық полиция басқармасы қылмыстық іс қозғады. Жедел-іздестіру іс-шаралары барысында жәбірленушінің жеке тұлғасы анықталып, ол полицияға ресми түрде арыз түсірген.
29 жастағы күдікті – аталған мекеменің басшысы ұсталып, уақытша ұстау изоляторына қамалды.
Қажетті тергеу әрекеттері жүргізілуде. Тергеу барысында күдіктінің әрекеттеріне, оның ішінде айтылған жайттарға байланысты құқықтық баға берілетін болады, – деп хабарлады ведомство.
Алматы қаласы Полиция департаменті басшылығы бұл қылмыстық істің алдын ала тергеу барысын өз бақылауында ұстап отыр.
