Семейдегі Докучаев көшесінде ер адамның қызды күштеп көлікке отырғызған сәті видеоға түсіп, әлеуметтік желілерде тарап кетті, деп хабарлайды Alash.kz ұлттық порталы
Желідегі кадрда қыз баласының “Өтінемін, керек емес!” деп айқайлап, қарсыласқаны естіледі. Куәгерлер оқиғаның мән-жайын видеоға түсіріп, көліктің нөмірін жазып алған.
Абай облыстық полиция департаменті оқиғаға қатысты пікір білдіріп, көліктегі жас жұптың арасында кикілжің орын алғанын хабарлады. 23 жастағы жүргізушіге қатысты “дене жарақатын салу” бабы бойынша қылмыстық іс қозғалды.
Сонымен қатар, ер адамның жол қозғалысы ережелерін бұзғаны және түнгі уақытта қоғамдық тәртіпті сақтамағаны үшін қосымша жауапкершілікке тартылатыны белгілі болды.
