Театр режиссері Юрий Бутусов 63 жасында өмірден өтті. Бұл туралы актриса Варвара Шмыкова хабарлады, деп жазады Alash.kz.
Мәдениет қайраткерінің өлім себебі әзірге белгісіз.
"Сену мүмкін емес. Жаныңыз жәннатта болсын, сүйікті Юрий Николаевич", – деп жазды актриса.
Бутусов 1961 жылы Ленинград облысы Гатчина қаласында дүниеге келді. Санкт-Петербург театр өнері академиясының режиссура факультетін бітірген. Оның дипломдық жұмысы – "Годоны күту" спектаклі оған танымалдылық пен беделді марапаттар, соның ішінде "Алтын маска" сыйлығын әкелді.
Режиссер Санкт-Петербургтегі Ленсовет атындағы театрды, кейін Мәскеудегі Вахтангов атындағы театрды басқарған. Оның танымал қойылымдары қатарында – "Шағала", "Макбет. Кино", "Король Лир", "Отелло" бар. Бұдан бөлек, Бутусов ГИТИС-те сабақ берген.
