Хельсинкиде өткен World Dog Show 2025 дүниежүзілік көрмесінде қазақ тазысы алғаш рет ресми түрде әлем жұртшылығына таныстырылып, жүлделі орындар иегері болды, деп Alash.kz ұлттық порталы Ақорданың баспасөз қызметіне сілтеме жасап хабарлайды.
Осы айтулы жеңіс қарсаңында Мемлекет басшысы Қасым-Жомарт Тоқаев Қазақстан кинологтер одағына арнайы құттықтау жеделхатын жолдады.
Дүниежүзілік көрмеге Қазақстан атынан қатаң іріктеуден өткен және халықаралық талаптарға сай бапталған 8 тазы апарылды. Әлемнің түкпір-түкпірінен келген 25 мыңға жуық үздік иттің арасында қазақ тазылары FCI ұйымында дербес ит тұқымы ретінде тұңғыш рет ресми түрде таныстырылды.
