Рок-музыка аңызы, Black Sabbath тобының негізін қалаушы Оззи Осборн соңғы жылдары ауыр сырқатпен күресті. SHOT басылымының хабарлауынша, ол Паркинсон ауруының сирек түріне шалдыққан, деп хабарлайды Alash.kz.
Музыканттың денсаулығы 2019 жылдан бастап нашарлаған – сол жылы ол құлап, омыртқасына ота жасалған. Кейіннен оның сирек кездесетін Паркинсон дертіне шалдыққаны белгілі болды.
Салдарынан Оззи Осборн 22 шілдеде 76 жасында дүниеден өтті. 77 жасқа толуына небәрі жарты жылдай уақыт қалған еді.
Қайтыс боларынан сәл бұрын ол Black Sabbath тобының бастапқы құрамын жинап, 5 шілдеде Бирмингем қаласында қоштасу концертін өткізді. Бұл кеш "Бастауға оралу" деп аталды. Концерт барысында музыкант орындықтан тұрмай отырып ән салған. Жұбайы Шэронның айтуынша, ол соңғы кездері өздігінен жүріп-тұра алмай қалған.
