Танымал блогер, кәсіпкер Фариза Төреәлі жаңа бастамасымен бөлісіп, көпшіліктен сүйінші сұрады, деп жазады Alash.KZ.
Блогер бұл туралы өзінің Instagram парақшасында жариялады. Фариза Төреәлі бұл постында жаңадан шығарып жатқан психологиялық кітабы туралы айтты. Жаңа кітап “Жүректен жүрекке” деп аталады. Оқырмандардан болатын таныстырылымы мен сілтемесін жіберіп алмас үшін, үнемі бақылап отыруды да ескертті.
Тұңғышымды дүниеге әкелгендей толқып отырмын.
Алғашқы авторлық кітабым жарыққа шықты. Осы сәттің өзі – ерекше қуаныш, алайда Құдай қосқан қосағымның тосынсыйы бұл қуанышты екі есе арттырды.Менің түсінігімде, бәрінің бастауы – жүрек.
Ал менің миссиям – әйел жүрегінің нәзіктігін жеткізу. Нәзік бола тұра еркіндікке құштарлығын, биіктігін, тіпті алапат күшке ие боларын көрсету.
Әрбір әйел – жүрегі жылулыққа толы, өзгеріске ұмтылған, тұрақтылықты ту еткен адалдықтың бейнесі.Әйел – отбасының ғана емес, тіршіліктің де бастауы.
Сондықтан әйел махаббаттың қанық қызылындай, көбелек қанатындай нәзік, гүл өрнегіндей мәңгілік бүр жаруға жаралған.Бұл жинақтың жарыққа шығуына дейін талай қиындық болды. Ұйқысыз түндер мен күлкісіз күндер, сарқылған шабыт пен шексіз ізденіс, жүрегімнің ең аяулы сәттері осы парақтарға айналды. Бұл – менің жүрегімнің үні, тұңғыш кітабымның негізі.
Қымбатты нәзікжандылар! Алдағы 1-2 күнде, Алла қаласа, кітап сатылымға шығады. Қапы қалмаңыздар.
Осы жинақта айтқым келгеннің бәрі бар.
Сана-сезімімді шарлаған сансыз ойлар – осы беттерде.
Сіз іздеген сөз бен кеңесті осы кітаптан табарыңызға сенемін.Бұл – менің жүрегімнен шыққан сыр.
Фариза бұл бастамада ата-анасы мен күйеуінің қолдауы зор екенін жасырмады. Бұл туралы желіге бірнеше reels пен арнайы фотосессияның суреттерін жүктеді.
