ҚР Мәжіліс депутаты, қоғам қайраткері, айтыскер ақын Ринат Зайыт қоғамдағы әлеуметтік тақырыптарды талдап, Министрлер мен елдің ішкі саясатына жауапты шенеуніктердің жұмысына күмән келтірді, деп хабарлайды Alash.KZ.
Депутат Youtube желісіндегі "Қасқа жол" подкастына берген сұхбатында құзырлы органдардың өз міндетіне сай жұмысын істемейтінін, проблеманы көтермейтінін, айтқан адамға құлақ аспайтынын нақты мысалдар арқылы айтып берді.
Көші-қон мәселесі жолдауда айтылатын мәселе емес. Бұл - тек Премьер министр мен Еңбек және халықты әлеуметтік қорғау министрлігінің бітіре салатын шаруасы. Көрінген нәрсеге президентті араластыра беруге қарсымын. Қарапайым тілде түсіндірейінші. Мен жақсы көремін халықтың маған осындай себеп беріп қойғанды мені өсектейтін. Президентті "папам" деп айтты дейтін шығар ертең. Семья - шағын мемлекет. Мемлекетте әкең ақша табаы. Шешең тамақ істейді. Үйдің үлкені үйді жинайды. Ортаншысы , кішісі сабақ қарауы мүмкін, жұмсағанға баруы мүмкін,. Әркімнің өзінің міндеті бар. Әкенің тамақты да істеп, үйді де жинап, баланы да емізіп, кірді де жуып мүмкіншілігі жоқ. Ал, семья - шағын мемлекет. Ал, осының ауқымын кеңейтетін болсақ, біз неге қит еткен нәрсені презиентке айтып отыруымыз керек? Бұл - Назарбаевтың кезіндегі диктаторлық жүйенің қалыптастырған қағидасы. Ал, қазір лауазымды тұлғаға бар да, шешіңдер деп жатыр. Мысал айтайын, мен шіліңгір шілдеде Алакөлде отбасыммен дем алып жатырмын. Ана жерде жүздеген мың адамдар жүр. Топырлап адам тұр. Мынау не деймін. Премьер министрдің орынбасары, министр, облыс әкімі тұр дейді. Мен демалып жатырмын семьяммен. Әйелім "барып амандаспайсың ба?" дейді. Қой дедім. Осылардан шаршап келдім мен. Ішіңнен не күлеріңді, не жыларыңды білмейсің. Өйткені, бір жарым жыл бойы біз комитетте мәжілісте айтып отырдық. "Әй, Алакөлде дәретхана жоқ. Алакөлде 8 км жол отын болып жатыр. Ана жерде қоқыс бар екен дедік. "Қарастырамыз! Бақылауда!" деген жауап берді. Президент айғай салып еді, бәрі жетіп келді. Бірақ, сен шіліңгір шілденің ортасында келме! Алакөлдің жағдайын түзеткің келсе, наурызда бар. Сол кезде қара құрым, ыбыр-жыбыр дем алушылар жоқ. Ешкімнің ештеңесін бұзбайсың! Бірақ, сол жердегі әрбір демалыс базасның иесі соның басында жүреді. Сәуір айынан бастап, ыңғайлайды. Тазалайды. Сол кезде бүкіл проблема да көрінеді. Сол кезде юарыңдар! Не болмаса, айтқан адамға құлақ асыңдар. Тағы бір қатар тақырыптар айта аламын.
Берілген өзіне жеткен ақпаратты қорытып отыр. Енді қалғанын жұмыс істесеңдерші! Шешім қабылдасаңдаршы! Немесе бүкіл шенеуніктерді қайтарып жіберейік. Болды! Орындаушылар ғана қалсын да, президент отырсын, ананың үстіне мынаның істеңдер деп!
Оның айнасы - осы. Тікелей сол жолдауды орындау керек адамдар жолдау болып жатқанда ұйықтап отырса, бұл - ойланатын нәрсе. Әркім шешім қабылдасын! Әркіс өзінің міндетін атқарсын!
