Белгілі актер Дархан Мұсаев өзінің жеке өміріне қатысты көптен айтылып жүрген сұрақтарға нүкте қойды. Ол әлеуметтік желідегі жазбасында әйгілі актриса Дариға Бадықовамен ажырасқанын ресми түрде хабарлады, деп жазады Alash.KZ.
Дархан Мұсаевтың айтуынша, екеуі 2008 жылы шаңырақ көтеріп, 16 жыл бойы ерлі-зайыпты ретінде бірге өмір сүрген жұп жақында заңды некелерін бұзған.
“Құрметті, ағайын! Елдің аузында жүрген сұрақтың сауалына бүгін жауап беремін деп шештім. 2008 жылдың 11-тамызында Дариға Бадықовамен заңды некеге тұрдық. 16 жыл бірге ерлі-зайыпты ретінде отбасылы өмір сүрдік. 2024 жылдың күз айында заңды некені бұзу туралы өтініш жазып, ажырасып кеттік. Бүгінгі таңда мені Дариға Бадықовамен өмірде де, өнерде де ештеңе байланыстырмайды”, – деп жазды актер.
