7 қыркүйек күні Түркістан облысында бір жасар бала қолын еттартқышқа салып жіберіп, оқыс жағдайға тап болды. Баланың қолы білегіне дейін жаншылып кетті, деп жазады Alash.KZ.
Orda.kz хабарлағандай, қайғылы жағдай Төле би ауданы, Көксәйек ауылында болды. Үй-іші тұнба әзірлеп жатқанда бір жастағы бала ауыр жарақат алды. Дәрігерлер баланың саусақтары мен алақан сүйектері түгелдей үгітіліп кеткенін мәлімдеді.
«Қолды сақтап қалу мүмкін болмады. Еттартқышта ол тек терімен ғана ілініп тұрған. Нәтижесінде қолды білектен төменге дейін кесіп тастауға тура келді», – дейді дәрігерлер.
Баланы ауруханаға ата-анасы алып келген. Дәрігерлерге ТЖМ қызметкерлері көмектесіп, олар әуелі еттартқыштан баланың қолын шығарып алыпты.
Қазір бала жансақтау бөлімінен шығарылған. Жағдайы тұрақты ауыр күйде деп бағаланды.
