АҚШ-тың танымал консерваторы Чарли Киркке Юта Вэлли университетінің кампусында сөз сөйлеп тұрған кезінде қастандық жасап, атып кетті, деп жазады Alash.KZ.
Кирк — танымал республикалық саясаткер, Трамптың қолдаушысы. Ол АҚШ-тың Демократиялық партиясын жақтайтын жастармен университеттерде пікірталас жүргізуімен танымал.
2012 жылы ол Turning Point USA (TPUSA) атты ұйымды құрған, онда Кирк атқарушы директор қызметін атқарады. Аталған ұйым мектептер, колледждер мен университеттерде консервативті құндылықтарды насихаттап, «солшыл күн тәртібіне» қарсы күрес жүргізеді.
Чарли Кирк ресейшіл нарративтерді белсенді түрде таратқан. Атап айтқанда, ол Зеленскийді заңды президент емес деп атап, Украинаға көмек көрсетуді тоқтатуға шақырған.
Оның айтуынша, «Украинаны картадан таба алатындар аз». Сондай-ақ, ол Донбасты «тарихи тұрғыда ресейлік жер» деп атап, украин қақтығысын тоқтатуға және Ресеймен қарым-қатынасты жақсартуға кеңес берген.
Мойын тұсынан оқ тиген Кирк ауыр халде ауруханаға жеткізілген. Кейінірек АҚШ президенті Дональд Трамп оның қазасы туралы хабарлады. Трамп Truth Social желісіндегі жазбасында Киркті "барлық жағынан тамаша адам" деп атап, жұртты дұға етуге шақырды.
