Сенат спикері Мәулен Әшімбаев мәжіліс депутаты Ардақ Назаровтың мәжілісте анасын туған күнімен құттықтауы туралы айтты, деп жазады Alash.KZ.
- Маған сенат спикері ретінде көршілес палатамыздағы депутаттардың айтқанын талқылау онша дұрыс емес, сондықтан пікір білдіруден бас тартайын. Ал егер сенаттағы біреу анасын қатты жақсы көрсе, бәлкім, мүмкін шығар, бірақ әзірге ондай жағдай болған жоқ, дейді Әшімбаев.
Еске салайық, күні кеше депутат Ардақ Назаров мәжіліс отырысында депутаттық сауал жолдарының алдында анасын туған күнімен құттықтаған болатын. Қазнет қолданушылары депутаттың бұл әрекетін түсінбей, қызу талқылады. Олар депутат мәжілісті өзекті мәселе көтеріп, проблемалар туралы айтудың орнына туған күнмен құттықтауға арналған “алаң” ретінде қолданғанына наразы болған.
