Астанадағы Самғау ықшамауданында екі бойжеткен серуендеп жүріп, балалар алаңындағы әткеншектің астынан үлкен қапқа салынған адамды байқап қалған, деп жазады Alash.KZ.
Алғашында олар бұл затты қарапайым қоқыс деп ойлап, тіпті үстіне отырып, аяқтарымен тепкен. Алайда біраз уақыттан кейін жанынан өтіп бара жатқан басқа қыздар қаптың ішінде адам жатқанын айтып ескерткен.
Бойжеткендер бастапқыда сенбей, қапты бірнеше рет түртіп көреді. Бірнеше минуттан кейін ішінен белгісіз ер адамның дауысы шыққан. Ол ешқандай агрессия танытпағанымен, өзінің қап ішінде жатқанын түсіндіре алмады. Қыздар шошып, бірден полицияға хабар берген.
Көп ұзамай оқиға орнына тәртіп сақшылары жеткенде, қап ішіндегі ер адам қашуға әрекеттенгенімен, полиция оны ұстап үлгерді.
Куәгерлердің айтуынша, ер адам шамамен 35-45 жас аралығында, таза киінген және ешқандай үйсіз адамға ұқсамайды.
