144 млрд теңге жымқырған экс-банкир Ертаевқа берілген амнистияның күші жойылуы мүмкін, деп жазады Alash.KZ.
Өйткені үкім шығарған Алматы облыстық сотының үстінен - прокуратура шағым түсірді. Бұл туралы Атамекен бизнес арнасына арнайы сұхбат берген депутат Абзал Құспан айтты. Сөзінше, Ертаев жымқырған 144 млрд теңгесін де, мемлекетке келтірген залалын да қайтармаған. Сондықтан оның рақымшлыққа ілігуі екіталай деп отыр.
Маған келіп түскен ақпаратқа сәйкес Ертаевтың ЖШС-ға келтірілген шығыны 97 млрд-тан астам, тағы заңды тұлғаларға келтірілген шығыны 46 млрд. Жалпы 144 млрд деген цифра шындыққа сәйкес келеді. Одан бөлек 2 млрд-тан астам мемлекетке де берешегі бар. Олардың өтелмегендігі белігілі болып отыр, - деді депутат.
Еске салайық 5 жыл бұрын қомақты соманы жымқырғаны үшін 9 жылға сотталған экс-банкирдің 2-қыркүйекте амнистияға іліккені белгілі болды. Сол мезетте Депутат Абзал Құспан Бас прокуратурадан Ертаевқа рақымшылық берген сот шешімінің заңдылығын тексеруді талап етті.
